Ish-presidentja e Kosovës Vjosa Osmani ka paraqitur deklarimin vjetor të pasurisë në Agjencinë për Parandalimin e Korrupsionit më 17 prill 2026. Deklarimi përfshin të ardhurat nga paga dhe mëditjet zyrtare.
Ajo ka deklaruar 10 mijë e 305 euro mëditje nga udhëtimet zyrtare jashtë vendit dhe 33 mijë e 248 euro pagë si presidente. Pasuritë e paluajtshme personale nuk kanë ndryshime: një arë në vlerë 35 mijë euro dhe një shtëpi në pronësi të përbashkët 208 mijë euro.
Në emër të bashkëshortit janë deklaruar:
- një banesë 60 mijë euro;
- shtëpi në Australi 510 mijë euro;
- shtëpi tjetër në Australi 170 mijë euro;
- garazh kolektiv 5 mijë euro.
Si para të gatshme, Osmani ka 3 mijë e 115 euro nga pagat dhe mëditjet, ndërsa bashkëshorti rreth 750 euro.
Detyrimet financiare përfshijnë 9 mijë euro këste të papaguara për punët shtesë të shtëpisë nga kompani të ndryshme dhe 20 mijë e 500 euro huamarrje për pagesën e banimit në Melbourne.
Të hyrat vjetore të bashkëshortit janë 11 mijë e 350 euro nga paga dhe 11 mijë dollarë nga qiraja në Australi.