Mandati i Vjosa Osmanit si presidente e Kosovës përfundoi më 4 prill 2026. Kryeparlamentarja Albulena Haxhiu e zuri përkohësisht ulësen e presidentes.
Faqet zyrtare në rrjetet sociale, si Facebook, YouTube dhe X, të hapura nga stafi politik i Osmanit gjatë mandatit, ndryshuan emër nga “Presidenca e Kosovës” në “Zyra e Presidentes së 6-të të Republikës së Kosovës”. Këshilltarja Egnesa Vitia sqaroi se ky ndryshim bëhet për arkivim të materialeve, në përputhje me praktikat e shteteve të tjera. Këto faqe tani menaxhohen nga stafi i ish-presidentes dhe nuk ruajnë vijësinë e Presidencës.
Privilegjet sipas Ligjit për Presidentin
Sipas Ligjit për Presidentin e Republikës së Kosovës, Vjosa Osmani vazhdon të thirret “Presidente” dhe gëzon këto të drejta:
- Pension në shumën 70% të pagës si kryetare shteti;
- Sigurim shëndetësor i plotë dhe shërbime mjekësore në spitalet publike dhe ushtarake për të dhe familjen (burri dhe fëmijët), tërë jetën;
- Kompensim monetar kalimtar për 7 muaj tranzicioni, për zyre, staf, telekomunikacion, shtyp dhe postë;
- Mbrojtje e afërt për 3 vjet;
- Pjesëmarrje në manifestime shtetërore sipas protokollit;
- Pasaportë diplomatike tërë jetën për Osmanin dhe burrin, deri në 18 vjeç për fëmijët;
- Shpenzime materiale për aktivitete si ish-preidente, të siguruar nga buxheti i Zyrës së Presidentit;
- Personel profesional deri në 3 persona për 5 vjet pas mandatit.