Vjosa Osmani do të vazhdojë të thirret presidente zyrtarisht edhe pas mbarimit të mandatit të saj më 4 prillit, sipas ligjit për Presidentin e Republikës së Kosovës.
Ky status garantohet nga pika 3 e nenit 18, që parashikon: «Pas përfundimit të mandatit për të cilin është zgjedhur, thirrja "President" vazhdon të vlejë për Presidentin e Republikës të cilit i ka përfunduar mandati në pajtim me paragrafin 1 të këtij neni».
Nëse nuk zgjidhet për një mandat tjetër, Osmani do të gëzojë benefite të tjera në cilësinë e presidentes ish-mandatare.
Benefitet pas mandatit
- Paga gjatë gjithë jetës në nivelin e 70% të rrogës së marrë gjatë ushtrimit të detyrës.
- E drejtë e shfrytëzimit të pasaportës diplomatike për veten dhe bashkëshortin, gjithë jetën.
Këto të drejta mund të pushohen me kërkesën e presidentes, sipas nenit 23 të ligjit: «Presidenti i Republikës së Kosovës, të cilit i përfundon mandati, mund t’i pushojë me kërkesën e tij/saj të drejtat e caktuara me këtë ligj».
Raportimet vijnë nga KosovaPress, të transmetuara nga Alsat-M dhe Bota Sot.