Ismet Salihu, një nga hartuesit e Kushtetutës së Kosovës, ka deklaruar se dekreti i presidentes Vjosa Osmani për shpërndarjen e Kuvendit është plotësisht kushtetues dhe në përputhje me ligjin themelor.
Sipas Salihut, zgjedhja e presidentit duhej të fillonte 30 ditë para përfundimit të mandatit të presidentit aktual. Meqë ky proces nuk u realizua brenda afatit, veprimi i presidentes për shpërndarjen e Kuvendit ishte i nevojshëm dhe i drejtë.
Ai ka thënë se Gjykata Kushtetuese nuk ka arsye ta hedhë poshtë vendimin, sepse presidentes i ka skaduar mandati. “Në Kushtetutë shkruhet se zgjedhja e presidentit duhet të fillojë 30 ditë para se t’i skadojë mandati. Në orën 24:00 ka kaluar një muaj dhe nuk është zgjedhur presidenti, kjo e ka shpërndarë Kuvendin. Veprimi i saj është plotësisht kushtetues”, ka thënë Salihu për FrontOnline.
Presidentja Vjosa Osmani e shpërndau Kuvendin të premten. Kryeministri Albin Kurti e çoi dekretin në Gjykatën Kushtetuese, e cila vendosi dje masë të përkohshme ndaj dekretit dhe Kuvendit, deri më 31 mars.