Profesori i kriminalistikës Ervin Karamuço ka deklaruar se në qarkun e Lezhës janë 306 familje të ngujuara për shkak të gjakmarrjes.
Në një intervistë për emisionin “Ora e Fundit” në ABC News, ai ka komentuar vrasjen e Kreshnik Mujeci dhe bashkëshortes së tij Gentjana Mujeci në Balldren të Lezhës. Karamuço e cilëson këtë ngjarje si vijim të një ngjarjeje të ndodhur në 2016.
Ai thekson se është marrë vendim për vrasjen e Kreshnik Mujeci, por asnjë kanun nuk parashikon vrasjen e grave. Gjakmarrja do të shtrihet edhe në familjen e gruas, duke krijuar plagë të reja. Karamuço pyet nëse autorët e kanë llogaritur nevojën për të vrarë edhe bashkëshorten, duke theksuar se asgjë nuk e justifikon humbjen e jetës së të dyve, veçanërisht të saj.
Vrasja për gjakmarrje dënohet me burgim i përjetshëm. Dyshohet se autorët janë larguar drejt Kosovës.