Belind Këlliçi, deputet i Partisë Demokratike, reagoi pas publikimit të investigimit nga emisionet Piranjat dhe Le Iene, që denoncon call-center-at mashtruese në Tiranë.
Këto struktura organizuara mashtrojnë qytetarë europianë, veçanërisht italianë, dhe përvetësojnë miliona euro nga llogaritë e tyre bankare. Aktiviteti zhvillohet në zona të frekuentuara të kryeqytetit, si kulla biznesi, vila private, komplekse rezidenciale dhe qendra tregtare.
Gazetarët kanë dorëzuar te Policia e Shtetit informacione dhe prova, përfshirë hartë me vendndodhjet e call-center-ave. Megjithatë, këto kanë mbetur pa reagim për javë të tëra, duke dekonspiruar operacionin.
Këlliçi e cilëson këtë si një nga format më të rënda të krimit ekonomik, që dëmton kursimet e qytetarëve të Bashkimit Europian. Ai kërkon që SPAK të nisë hetim për veprimtarinë e këtyre skemave dhe të verifikojë lidhje të mundshme me struktura shtetërore ose përfaqësues të institucioneve të sigurisë.