Zyra e Kryeprokurorit të Shtetit në Kosovë ka njoftuar se kryeprokurori i Prokurorisë Themelore në Prizren, Petrit Kryeziu, është kërcënuar nga një person i dyshuar për disa vepra penale.
Në reagimin e publikuar më 17 prill 2026, autoritetet dënuan ashpër këto kërcënime, duke i cilësuar ato si sulm të drejtpërdrejtë ndaj sistemit të drejtësisë.
Reagimi thekson se kërcënimet do të marrin përgjigjen e duhur institucionale, në mënyrë që personi përgjegjës të sillet sa më parë para drejtësisë dhe të përballet me pasojat ligjore.
Për më tepër, çdo përpjekje për të frikësuar apo penguar prokurorët e shtetit në ushtrimin e detyrës zyrtare, në funksion të forcimit të sundimit të ligjit, është e papranueshme dhe nuk do të tolerohet.
Përditësime
Egzon Reshani, i kërkuar për fajde dhe tentativë vrasje, u identifikua si autori i kërcënimeve ndaj kryeprokurorit të Prizrenit Petrit Kryeziu. Kërcënimet u bënë gjatë një transmetimi live, ku ai kërcënoi Policinë e Kosovës, paralajmëroi pengmarrje fëmijësh dhe ndaj Petrit Kryeziut tha: "Bir q"* dhe "Do ta vras si dreq."