Pjesëtarë të forcave të armatosura nga Shtetet e Bashkuara të Amerikës, Gjermania dhe Turqia, në kuadër të Komandës Rajonale-Lindje (RC-East) të misionit të udhëhequr nga NATO, kanë zhvilluar një stërvitje mbrojtëse në bazën Camp Bondsteel.
Sipas njoftimit zyrtar të KFOR-it, qëllimi i këtyre manovrave ishte testimimi i operacioneve të koordinuara, forcimi i procedurave të sigurisë dhe rritja e kapaciteteve për t'iu përgjigjur me shpejtësi kërcënimeve të mundshme. Stërvitja synoi gjithashtu ruajtjen e gatishmërisë operacionale në mbështetje të stabilitetit rajonal.
KFOR-i theksoi angazhimin e tij për të zbatuar mandatin për një mjedis të sigurt dhe të qetë për të gjithë qytetarët në Kosovë, duke garantuar lirinë e lëvizjes në mënyrë të paanshme. Misioni i NATO-s njoftoi se vazhdon bashkëpunimin e ngushtë me Policinë e Kosovës dhe misionin e Bashkimit Evropian për sundimin e ligjit, EULEX, në rolin e tyre si reagues të sigurisë.