KFOR përmes një komunikate për media njoftoi se ushtarë gjermanë, zviceranë dhe amerikanë nga Komanda Rajonale Lindje (RC-E) zhvilluan trajnim për evakuim mjekësor (MEDEVAC) në Kampin Bondsteel.
Trajnimi praktik përfshiu procedura nxjerrjeje me vinç dhe testoi saktësinë, komunikimin dhe qetësinë në kushte të simuluara operative.
Sipas njoftimit, stërvitja rriti ndërveprimin mes njësive dhe gatishmërinë për të reaguar kur kërkohet.
Përmes këtyre aktiviteteve, personeli i KFOR-it ruan ndërgjegjësimin për situatën dhe reflekton angazhimin e qëndrueshëm për një mjedis të sigurt për të gjithë njerëzit që jetojnë në Kosovë.
KFOR vazhdon të zbatojë mandatin e tij, bazuar në Rezolutën 1244 të Këshillit të Sigurimit të OKB-së të vitit 1999, për të kontribuar në një mjedis të sigurt dhe lirinë e lëvizjes në mënyrë të paanshme.
Misioni punon në koordinim të ngushtë me Policinë e Kosovës dhe Misionin e Bashkimit Evropian për Sundimin e Ligjit (EULEX), në rolet përkatëse si reagjentë të sigurisë.