Pas sulmit të parë të SHBA-së dhe Izraelit, si dhe vrasjes së figurave kryesore të lidershipit, Irani ka mbyllur Ngushticën e Hormuzit, rrugën më të rëndësishme ndërkombëtare tregtare për naftën dhe gazin. Kjo ka nxitur përgatitje të menjëhershme në Azinë Juglindore, ku qeveritë po përgatisin buxhetet, linjat ajrore dhe industritë për t'u përballur me një krizë të rëndë karburanti.
Pekini synon të përfitojë nga shqetësimet rajonale për të promovuar veten si partner më të mirë se SHBA-ja. "Kina është e gatshme të forcojë koordinimin dhe bashkëpunimin me vendet e Azisë Juglindore për të adresuar së bashku çështjet e sigurisë energjetike", deklaroi këtë javë zëdhënësi i qeverisë kineze Lin Jian.
Sipas të dhënave iraniane, anijet kontejnerësh nën flamujt e vendeve neutrale, si ato kineze, kalojnë lehtësisht ngushticën. "Kina po vepron me përgjegjësi dhe si aktor stabilizues. Pekini bën thirrje për ulje të tensioneve në Lindjen e Mesme dhe premton bashkëpunim me Azinë Juglindore për kapërcimin e mungesës energjetike", tha Li Mingjiang, profesor në Shkollën e Studimeve Ndërkombëtare S. Rajaratnam në Singapor, në intervistë për DW.
Azia Juglindore në gjendje krize
Qeveritë kanë reaguar me masa emergjente, si kursimi i karburantit dhe subvencionet, si dhe kërkojnë furnizime alternative. Disa vende kanë ulur parashikimet e rritjes ekonomike për këtë vit.
Shumica e vendeve të rajonit janë importuese neto nafte nga Lindja e Mesme dhe ndodhen në pozita të cenueshme. Malajzia dhe Brunei përbëjnë përjashtime, pasi kanë prodhimin e tyre të naftës dhe gazit, por edhe ato preken nga inflacioni rajonal.
Përditësime
- Vazhdojnë sulmet në Lindjen e Mesme.
- Marco Rubio pret që lufta me Iranin të përfundojë 'brenda javësh, jo muajsh'.