Kolektivi për Mendim dhe Veprim Feminist zhvilloi një aksion proteste para Gjykatës së Apelit në Prishtinë më 19 shkurt 2026, si reagim ndaj vendimit të kësaj gjykate për lirimin nga akuzat e një polici të akuzuar për abuzim seksual të shumëfishtë ndaj një vajze të mitur nga Drenasi në 2019.
Gjykata e Apelit ka vendosur në 2024 të lirë policin nga akuzat, ta dëmshpërblejë me mbi 45 mijë euro për paga, trust dhe kamatë ligjore, si dhe ta rikthejë në punë te Policia e Kosovës.
Gjatë aksionit, Kolektivi vendosi në dyert e gjykatës një pankartë me mbishkrimin “Gjykata e Apelit shfajëson e shpërblen abuzuesit e vajzave dhe grave”.
Në deklaratën e tyre, anëtarët theksuan se ky vendim paraqet alarm për sigurinë e vajzave dhe grave, sepse ushqen mosbesimin ndaj institucioneve për raportimin e dhunës. Ata vlerësuan se rikthimi i policit në punë e bën atë rrezik të dyfishtë për gratë dhe vajzat, duke qenë se policia është institucioni i parë për raportim të dhunës.
Kolektivi kërkoi largimin e menjëhershëm të policit nga puna dhe thirri veprim kolektiv kundër praktikave të tilla, duke kërkuar solidarizim shoqëror për mbrojtjen e grave nga dhuna e institucionalizuar.