Kombëtarja shqiptare e futbollit ka mbërritur pasditen e djeshme në Valencia të Spanjës, ku do të vazhdojë përgatitjet për ndeshjen miqësore me Ukrainën më 31 mars.
Skuadra, e drejtuar nga trajneri Silvinjo, zhvilloi seancën e parë stërvitore në qendrën Parador de El Saler. Lojtarët u përqendruan në ushtrime fizike, qarkullimin e topit dhe skema taktike.
Departamenti i Komunikimit i FSHF njoftoi se grupi i 24 lojtarëve ishte i plotë dhe ndodhet në gjendje të mirë fizike. Nga grumbullimi u larguan Arlind Ajeti për shkak të dëmtimit dhe Ylber Ramadani, i cili pret të bëhet baba për herë të dytë.
Ndeshja miqësore Ukrainë–Shqipëri zhvillohet më 31 mars në orën 20:45 në stadiumin Estadi Ciutat de València të Spanjës.
Të enjten e kaluar, Shqipëria humbi 2-1 ndaj Polonisë në Varshavë, duke mbyllur shanset për të marrë pjesë në Botërorin 2026, që zhvillohet nga 11 qershori deri më 19 korrik në SHBA, Meksikë dhe Kanada.
Përditësime
Biletat për ndeshjen e Kombëtares shqiptare dolën në shitje.
Stadiumi në Valencia ka kapacitet rreth 26.000 vende, me 5% (rreth 1.300 bileta) të rezervuara për tifozët shqiptarë.
Ajeti u largua i dëmtuar në shpatull gjatë stërvitjes.
Silvinho pritet të bëjë ndryshime në formacion, me Muçin dhe Mehmetin si titullarë të mundshëm.
Sylvinho përballet me vendim të vështirë për përbërjen përfundimtare, pasi lejohet vetëm 23 lojtarë për ndeshje.
Zhvillimet kryesore:
- Jasir Asani, Nazmi Gripshi dhe Klisman Cake priten të jenë të gatshëm pas mungesës ndaj Polonisë.
Kombëtarja shqiptare zhvilloi seancën e dytë stërvitore në Parador El Saler.
- Sylvinho ka të gjithë grupin në dispozicion.
- Seancat e sotme dhe e hënës do të përcaktojnë formacionin fillestar.
- Parashihet ndryshim i madh në formacion, me hapësira për lojtarët që luajtën pak ndaj Polonisë.
- Ardian Ismajli deklaroi: ka optimizëm, por humbja ka lënë shenjë.
- Kthim në Ligën e Kombeve në shtator.
Ernest Muçi vuan edemë muskulore në kofshën e djathtë. Ai nuk luan ndaj Ukrainës dhe udhëtoi në Turqi për rikuperim.
Jasir Asani nuk mori pjesë në stërvitje për goditje në gjurin e djathtë. Stafi mjekësor e monitoron.
Ernest Muçi iu nënshtrua rezonancës magnetike dje për shqetësimin në kofshën e djathtë të ndier të shtunën. Ekzaminimi evidentoi edemë muskulore që kërkon disa ditë pushim.
Jasir Asani pësoi goditje në gjurin e djathtë gjatë stërvitjes së dje dhe vlerësohet nesër për rikthim në stërvitje.
Seanca stërvitore zgjati rreth 1 orë me intensitet të plotë, duke përfshirë ushtrime fizike, punë me top dhe ndeshje kontrolli.