Kombëtarja shqiptare ka zhvilluar sot seancën e radhës stërvitore në Varshavë, pas ndeshjes së fazës play-off ndaj Polonisë.
Ekipi u stërvit i ndarë në dy pjesë. Lojtarët që luajtën në ndeshjen e mbrëmshme u fokusuan te rikuperimi dhe ushtrimet në palestër. Ndërsa lojtarët e stolit dhe ata me pak minuta zhvilluan një seancë të plotë stërvitore.
Pasditen e sotme, ekipi do të udhëtojë drejt Valencias, ku do të luajë me Ukrainën një ndeshje miqësore më 31 mars, në orën 20:45.
Përditësime
Shqipëria humbi 2:1 ndaj Polonisë në gjysmëfinalen e play-off'it për Kupën e Botës të enjten në mbrëmje në Varshavë.
Ukraina humbi 3:1 ndaj Suedisë në Valencia.
Selektori Sylvinho zhvilloi stërvitje paradite të premten në Varshavë, duke ndarë ekipin në dy grupe.
Ndeshja ndaj Ukrainës pritet të jetë e fundit për selektorin Sylvinho, pasi kontrata e tij skadon në korrik.
- Arlind Ajeti largohet nga skuadra pas luksacionit të shpatullës së majtë dhe kthehet në klub.
- Ylber Ramadani nuk udhëton drejt Valencias pasi gruaja e tij është gati për të lindur.
Kombëtarja shqiptare mbërriti dje pasdite në Valencia dhe zhvilloi seancën e parë stërvitore në Parador de El Saler me ushtrime fizike, qarkullim topi dhe skema taktike. Grupi i 24 lojtarëve është i plotë dhe në gjendje të mirë fizike. Ndeshja miqësore zhvillohet në Estadi Ciutat de València.