Kombëtarja shqiptare u nis më 27 mars drejt Valencias në Spanjë, ku do të vazhdojë përgatitjet për ndeshjen miqësore ndaj Ukrainës më 31 mars.
Dy lojtarë nuk udhëtuan me skuadrën: Arlind Ajeti dhe Ylber Ramadani. Ajeti u zëvendësua gjatë pjesës së parë të ndeshjes Poloni – Shqipëri, ku luajti vetëm 18 minuta, dhe sipas vlerësimeve të para ka pësuar një luksacion të shpatullës së majtë (scapulo-humerale). Për këtë arsye, ai nuk do të jetë i disponueshëm për ndeshjen e ardhshme dhe do të kthehet në klub për vlerësimet mjekësore.
Ylber Ramadani, i cili nuk pati minuta në sfidën me Poloninë, do të kthehet në shtëpi pasi gruaja e tij është shtatzënë dhe pret të lindë. Ai kërkoi leje për të qenë pranë familjes.
FSHF konfirmoi këto ndryshime. Ndeshja me Poloninë përfundoi me humbje 2-1 për Shqipërinë në gjysmëfinalen e play-off-it për Botërorin, ndërsa Ukraina u mposht 3-1 nga Suedia në të njëjtën fazë.
Përditësime
Silvin Hoxha ka 24 futbollistë në dispozicion për ndeshjen ndaj Ukrainës, por lista lejon vetëm 23.
Zhvillimet kryesore:
- Munguan ndaj Polonisë: Jasir Asani, Nazmi Gripshi dhe Klisman Cake.
- Të paktën dy futbollistë të rinj, të papresentë ndaj Polonisë, do të jenë të disponueshëm ndaj Ukrainës.