Drejtorisë për Shëndetësi dhe Mirëqenie Sociale në Komunën e Drenasit ka njoftuar qytetarët në lidhje me procedurat e reja për përfitimin e subvencionit për nënat lehona. Kjo masë mbështetëse synon të ndihmojë familjet përmes një pagese prej 100 euro për secilën lindje të regjistruar.
Për të përfituar nga ky subvencion, palët e interesuara duhet të dorëzojnë dokumentacionin e nevojshëm, i cili përfshin:
• Formularin e aplikimit;
• Dokumentet e identifikimit të të dy prindërve;
• Ekstraktin e të porsalindurit;
• Fletëlëshimin nga institucioni shëndetësor ose kartelën e të porsalindurit;
• Certifikatën e bashkësisë familjare;
• Konfirmimin e regjistrimit si përfitues në SIMFK përmes platformës e-Kosova.
Autoritetet komunale kanë theksuar se aplikimet që nuk janë të kompletuara me të gjitha dokumentet e kërkuara do të refuzohen. Për procedurat e plotësimit të formularëve, qytetarët duhet të paraqiten në sportelet nr. 9 dhe 10 të komunës.