Ky artikull është përditësuar. Shiko përditësimet
Komuna e Skenderajt ka njoftuar fillimin e procesit të aplikimit për vlerësimin e dëmeve të shkaktuara nga vërshimet e fundit. Procesi nis më 9 janar dhe synon ekonomitë familjare dhe bizneset e prekura. Njoftimi u bë publik më 8 janar.
Qytetarët e prekur ftohen të paraqesin kërkesat brenda afatit të caktuar pranë Komisionit Komunal për Vlerësimin e Dëmeve. Afati për dorëzimin e kërkesave është 8 ditë pune nga data e publikimit të njoftimit.
Dokumentacioni i kërkuar për aplikim përfshin:
• Të dhënat personale të aplikuesit (emri, mbiemri, numri personal, adresa dhe numri kontaktues);
• Kopje e letërnjoftimit;
• Konfirmimi bankar (llogaria bankare në emër të aplikuesit);
• Fotografi që dëshmojnë gjendjen reale të dëmeve, të realizuara nga vendi i dëmtuar;
• Çdo dokument shtesë që vërteton pronësinë ose dëmin e pësuar, nëse ekziston.
Kërkesat dorëzohen personalisht në sportelin numër 13 të Komunës së Skenderajt. Për informata shtesë, qytetarët mund të drejtohen në zyrat komunale gjatë orarit zyrtar të punës.
Përditësim
Komuna e Pejës ka hapur procesin e aplikimit për vlerësimin e dëmeve nga përmbytjet. Afati i fundit për aplikime është 16 janari. Aplikimet dorëzohen personalisht pranë Komisionit Komunal në Qendrën për Shërbime me Qytetarë, duke përfshirë fotografi të dëmeve.
Përditësim
Autoritetet kanë publikuar listën e plotë të komunave të prekura nga përmbytjet e 5 janarit: Fushë Kosova, Malisheva, Rahovica, Klina, Mitrovica e Jugut, Vushtrria, Drenasi, Skënderaj dhe Gjakova.
Sazan Ibrahimi deklaroi se qytetarët duhet të drejtohen te komunat përkatëse për kompensim.
Komunat Drenas, Rahovica dhe Klina kanë nisur procesin e aplikimeve.
Afati për aplikim varion nga 8 në 10 ditë, sipas komunës.
Përditësim
Autoritetet e Pejës shpjegojnë metodologjinë e vlerësimit të dëmeve materiale nga përmbytjet. Ekipet inspektojnë objekte banimi, pajisje shtëpiake, orendi, mjete pune, kafshë, prodhimtari bujqësore, mallra dhe mjete transporti, duke kryer llogaritje të detajuara të vlerës së humbjeve për secilën kategori. Ndërkohë, reshjet e 5 janarit shkaktuan evakuime qytetarësh, bllokime rrugësh dhe dëme në infrastrukturën publike.
Komuna e Suharekës ka nisur pranimin e kërkesave për vlerësimin e dëmeve nga përmbytjet, me afat deri më 22 janar 2026.
Kërkesat dorëzohen në Zyrën Nr. 1, Drejtorinë e Bujqësisë ose Drejtinë e Shërbimeve Publike dhe Emergjente.
Dokumentacioni përfshin një kërkesë të marrë në administratë, fotografi të printuara me ngjyrë të dëmeve dhe dokumente specifike të tjera.
Kryetari Bali Muharremaj e ka njoftuar në Facebook.