Një ngjarje e rëndë është regjistruar mbrëmjen e datës 1 shtator 2026 në qytetin e Korçës, ku dy vëllezër janë përfshirë në një përplasje fizike brenda ambienteve të banesës së tyre në lagjen nr. 13. Sipas të dhënave paraprake, shkak për këtë konflikt janë bërë motive të dobëta.
Gjatë përleshjes, njëri prej vëllezërve ka goditur tjetrin me një sëpatë, duke i shkaktuar këtij të fundit një plagë në zonën e shpatullës. Pas incidentit, autori është larguar nga banesa, por është lokalizuar dhe shoqëruar nga forcat e Komisariatit të Policisë së Korçës vetëm pak minuta më vonë.
I plagosuri është dërguar menjëherë në spitalin e qytetit për të marrë trajtimin e nevojshëm mjekësor. Sipas raportimeve, ai ndodhet jashtë rrezikut për jetën. Grupi hetimor po punon për zbardhjen e plotë të rrethanave të ngjarjes dhe motiveve që çuan në këtë përplasje, ndërsa materialet procedurale pritet t'i kalojnë Prokurorisë për veprime të mëtejshme.