Një konflikt midis dy personave ka degjeneruar në dhunë fizike dhe përdorim të mjetit prerës në qytetin e Korçës. Si pasojë e përplasjes, një i ri ka mbetur i plagosur në zonën e barkut, ndërsa ka pësuar edhe dëmtime trupore nga goditjet me grushte.
I dëmtuari është dërguar menjëherë në spitalin rajonal për të marrë ndihmën e nevojshme mjekësore. Sipas të dhënave paraprake, gjendja e tij shëndetësore paraqitet e qëndrueshme dhe ndodhet jashtë rrezikut për jetën.
Sipas informacioneve nga terreni, shkaku i këtij konflikti dyshohet të jetë një borxh monetar prej 10 mijë lekësh të reja (100 mijë lekë të vjetra), i cili solli degradimin e situatës deri në përdorimin e thikës.
Forcat e rendit kanë mbërritur në vendngjarje dhe kanë nisur hetimet për zbardhjen e plotë të rrethanave. Policia ka arritur të identifikojë autorin e dyshuar dhe aktualisht po zhvillon kërkime për kapjen e tij. Grupi hetimor është duke marrë deklarimet përkatëse nga i dëmtuari në ambientet e spitalit.