Gjatë një operacioni të përbashkët të Forcave Operacionale të Drejtorisë së Përgjithshme të Burgjeve (DPB) dhe Agjencisë së Mbikëqyrjes në Sistemin e Ekzekutimit të Vendimeve Penale (AMSEVP), në IEVP Fier janë konstatuar sasi të konsiderueshme sendesh të ndaluara. Në ambientet e jashtme pranë Godinës "A", autoritetet gjetën dhe sekuestruan 10 telefona celularë, 10 karikues, pije alkoolike dhe doza lënde narkotike.
Në një rast të veçantë gjatë kontrolleve me skaner, të dënuarit A.M. iu gjetën pesë qese me lëndë të dyshuar narkotike të fshehura në veshjet personale. Pas konstatimit, ai u shoqërua në sektorin e veçimit.
Masat ligjore ndaj të burgosurve dhe punonjësve
Në përfundim të veprimeve procedurale nën drejtimin e Prokurorisë pranë Gjykatës së Shkallës së Parë Fier, organet hetimore kanë ndërmarrë këto masa:
- Arrestimin në flagrancë të shtetasit I.B., i akuzuar për "futje dhe mbajtje të sendeve të ndaluara".
- Arrestimin në flagrancë të shtetasit A.M., i akuzuar për "prodhim dhe shitje narkotikësh" dhe "futje të sendeve të ndaluara".
- Procedimin penal në gjendje të lirë për gjashtë punonjës të institucionit, të dyshuar për veprën penale "shpërdorimi i detyrës".
Personat nën hetim janë:
- Ardian Hysi, shef i policisë së burgut;
- Ndriçim Hasa, shef i regjimit të brendshëm;
- Ajet Meçe, specialist policie;
- Arif Meli, kontrollor;
- Orgest Kaja, kontrollor;
- Romir Zaimi, kontrollor.