Drejtoria e Përgjithshme e Burgjeve njoftoi se gjatë kontrolleve të befasishme në burgun e Vlorës është evidentuar një rast i posedimit të sendeve të ndaluara.
Gjatë kontrollit të ushtruar në mjediset e brendshme në katin e dytë u konstatua dhe u sekuestrua një aparat celular tip iPhone i fshehur brenda një dysheku. Kontrolli u krye nën drejtimin e drejtorit të institucionit Edmond Leka, shefit të policisë dhe grupit të sigurisë.
Lidhur me rastin janë kryer veprimet proceduriale dhe është mbajtur procesverbal për bllokimin dhe sekuestrimin e sendit të ndaluar.
Drejtoria e Përgjithshme e Burgjeve theksoi se mbetet e angazhuar në forcimin e sigurisë në institucionet penitenciare dhe në parandalimin e çdo forme paligjshmërie brenda sistemit.
Përditësime
Adriatik Kupi, Drejtori i Përgjithshëm i Burgjeve, konfirmoi se kontrollet në burgun e Vlorës janë pjesë e masave të rritura të sigurisë dhe përsëriten.