Në vijim të masave për forcimin e sigurisë dhe disiplinës në institucionet penitenciare, Drejtori i Përgjithshëm i Burgjeve Adriatik Kupi, së bashku me Drejtorin e Policisë së Burgjeve, Drejtues i Lartë Paulin Rajta, drejtuan më 9 maj 2026 kontrolle të befasishme në IEVP Fier, Vlorë dhe Peqin.
Kontrollet u kryen nga forcat operacionale të Drejtorisë së Policisë së Burgjeve, me qëllim evidentimin dhe goditjen e sendeve të ndaluara brenda institucioneve.
Gjatë tyre u konstatuan dhe u sekuestruan aksesorë mjetesh komunikimi, të cilët përbëjnë vepër penale, mjete prerëse të improvizuara, si dhe sende të tjera të palejuara dhe të tepërta.
Për rastet e konstatuara u njoftua Sherbimi i Kontrollit të Brendshëm të Sistemit të Burgjeve për veprime të mëtejshme proceduriale.
Drejtoria e Përgjithshme e Burgjeve thekson se mbetet e vendosur për të garantuar rendin, sigurinë dhe zbatimin e ligjit në çdo institucion të vuajtjes së dënimit. Kontrollet do të vazhdojnë me intensitet të lartë në të gjitha IEVP-të, me tolerancë zero ndaj shkeljeve.