3 maji shënohet si Dita Botërore e Lirisë së Shtypit në mbarë botën, sipas vendimit të Asamblesë së Përgjithshme të Kombeve të Bashkuara të vitit 1993.
Në Kosovë, kjo ditë kremtohet me aktivitete të ndryshme. Asociacioni i Gazetarëve të Kosovës organizon panel diskutimi me temën “Ndikimi i profesionit në shëndetin mendor të punonjësve të mediave”, që fillon sot në orën 14:00.
Sipas raportit vjetor të Reporterëve pa Kufij për vitin 2026, Kosova renditet në vendin e 84-të nga 180 vende në Indeksin Botëror të Lirisë së Shtypit. Kjo përfaqëson përmirësim me 15 vende krahasuar me vitin e mëparshëm, kur ishte e 99-ta.