Sot në Kosovë po zhvillohet procesi i votimit për zgjedhjen e përfaqësuesve të rinj në Kuvend. Ky është procesi i tretë zgjedhor që mbahet në vend brenda një periudhe të shkurtër kohore prej 16 muajsh. Rikthimi i qytetarëve te kutitë e votimit vjen si pasojë e dështimit të forcave politike për të gjetur një konsensus për zgjedhjen e presidentit dhe për të tejkaluar ngërçin institucional.
Presidentja në detyrë, Albulena Haxhiu, ka ushtruar të drejtën e saj të votës në qendrën e vendosur në shkollën “Meto Bajraktari” në Prishtinë. Pas votimit, ajo u bëri thirrje të gjithë qytetarëve të Republikës së Kosovës që të marrin pjesë masivisht në proces, duke theksuar se pjesëmarrja e lartë është tregues i forcës së demokracisë.
Në deklaratën e saj, Haxhiu u kërkoi palëve dhe qytetarëve që të dëshmojnë maturi, respekt për njëri-tjetrin dhe përgjegjësi qytetare gjatë gjithë ditës, duke synuar mbarëvajtjen e qetë të procesit zgjedhor.