Ushtruesja e detyrës së presidentes së Republikës së Kosovës, Albulena Haxhiu, ka ushtruar të drejtën e saj të votës këtë të diel, më 7 qershor, në shkollën fillore "Meto Bajraktari" në Prishtinë.
Pas votimit, Haxhiu u drejtua mediave me një thirrje për qytetarët e Kosovës, duke theksuar se pjesëmarrja e lartë në votime është treguesi kryesor i forcës së demokracisë në vend. Ajo inkurajoi të gjitha palët dhe qytetarët që kjo ditë të përcillet me maturi, përgjegjësi qytetare dhe respekt të ndërsjellë.
"Sa më e lartë pjesëmarrja në këto zgjedhje, aq më e fortë është demokracia jonë", deklaroi Haxhiu. Në fjalën e saj, ajo falënderoi gjithashtu qytetarët, mediat dhe të gjithë personat e angazhuar në administrimin e procesit zgjedhor, duke u uruar mbarësi gjatë angazhimit të tyre në terren për mbulimin e kësaj dite votimi.