KOSTT, Operatori i Sistemit, Transmisionit dhe Tregut të Energjisë Elektrike të Kosovës, bën të ditur se gjendja në sistemin elektroenergjetik është normalizuar dhe stabilizuar pas zbatimit të masave të koordinuara për balancimin e ngarkesës dhe përmirësimin e parametrave të furnizimit me energji.
Korporata Energjetike e Kosovës (KEK sh.a.) ndërmori veprime të shpejta dhe efikase, duke rritur prodhimin vendor të energjisë elektrike. Kjo masë garantoi stabilitetin, vazhdimësinë e furnizimit dhe integritetin e sistemit.
KOSTT kërkon nga të gjitha palët pjesëmarrëse në treg të respektojnë rregulloret operative dhe obligimet kontraktuale për një operim të qëndrueshëm, të sigurt dhe të optimizuar të rrjetit elektroenergjetik.
Operator i sistemit do të mbetet në gjendje gatishmërie operative dhe do të ndërmarrë të gjitha veprimet e nevojshme për stabilitetin dhe performancën e sistemit, në përputhje me kompetencat ligjore dhe përgjegjësitë operative.
Dhoma e Tregtisë dhe Industrisë Kosovë (DHTIK) shprehu shqetësimin për situatën e rënduar të furnizimit me energji elektrike, e cila po shkakton humbje serioze për qindra biznese në vend.