Komisioni i Prokurimit Publik ka vendosur të mos heqë pezullimin e procedurës së tenderit me objekt "Mirëmbajtje e Modulit të Menaxhimit të Kontrollit të Faturimit për Drejtorinë e Përgjithshme të Tatimeve". Tenderi, me fond limit 7.7 milionë euro, u hap në prill 2025 dhe ka për autoritet kontraktor Agjencinë Kombëtare të Shoqërisë së Informacionit.
Në një vendim të mëparshëm, KPP kishte kërkuar një sërë ndryshimesh që duheshin reflektuar në sistem. Ankesa e një operatori e vendosi sërish procedurën në pezullim. Në shqyrtimin e kësaj ankesë, KPP vendosi që pezullimi të vazhdojë dhe autoriteti të mos kryejë hapat e tjerë.
Ndryshe nga kjo procedurë, KPP ka refuzuar ankesën për një tjetër procedurë që lidhet me internetin e institucioneve.
Detajet e tenderit
Sipas dokumenteve, qëllimi është mirëmbajtja e sistemit të menaxhimit të kontrollit të faturimit (sistemi i fiskalizimit) për Drejtorinë e Përgjithshme të Tatimeve për një periudhë 24 muajsh. Kjo garanton funksionimin e plotë të sistemit elektronik në të gjitha komponentët e tij.
Probleme më të gjera
Tenderët në fushën e teknologjisë dhe informacionit hasin shpesh vështirësi në prokurimin publik. Këto vështirësi mund të çojnë në vonesa në marrjen e shërbimeve ose në kosto më të larta për autoritetet për shkak të masave emergjente.
Një shembull është sistemi Self Care i Tatimeve, që prej javësh nuk ofron shërbim të vazhdueshëm për bizneset, me ankesë të përditshme nga këto të fundit.