E ardhmja e Kristjan Asllanit te Interi duket gjithnjë e më larg klubit milanez. Mesfushori i Kombëtares shqiptare nuk është grumbulluar nga trajneri Chivu për turneun miqësor që skuadra zikaltre do të zhvillojë në Hong Kong dhe Australi. Ky vendim shihet si një sinjal i qartë se 24-vjeçari nuk bën më pjesë në planet afatgjata të klubit.
Sipas raportimeve nga mediat italiane, Sassuolo ka shfaqur interes konkret për shërbimet e lojtarit, duke e konsideruar atë një profil kyç për përforcimin e repartit të mesfushës në prag të sezonit të ri. Edhe pse drejtuesit e Interit do të preferonin një shitje përfundimtare të kartonit, aktualisht opsioni më i mundshëm për largimin e tij mbetet huazimi.
Pas një sezoni të ndarë mes Interit dhe Besiktasit, si dhe një përvoje të mëparshme te Torino, mesfushori shqiptar kthehet në qendër të vëmendjes së tregut të transferimeve. Në turneun e planifikuar, Interi pritet të përballet me skuadra si Manchester City, Milan dhe Juventus, ndërsa vetë lojtari vijon të ketë një marrëveshje kontraktuale me zikaltrit deri në verën e vitit 2028.
Përditësime
Interi ka vendosur një çmim prej 15 milionë eurosh për kartonin e Kristjan Asllanit. Pasi Sassuolo u tërhoq nga blerja e plotë për shkak të kostove të larta, palët po diskutojnë për huazim me opsion ose detyrim blerjeje. 23-vjeçari nuk bën pjesë në planet e klubit për sezonin e ri.
Situata e mesfushorit Kristjan Asllani, i cili nuk bën pjesë në planet e Interit për sezonin e ri, ka pësuar ndryshime të rëndësishme. Një dëmtim muskulor gjatë fazës përgatitore ka vënë në dyshim disponueshmërinë e tij, ndërsa Beshiktashi ka konfirmuar zyrtarisht heqjen dorë nga blerja e përhershme e kartonit. Aktualisht, Cagliari është shfaqur si destinacioni kryesor për 22-vjeçarin, i cili synon të vijojë karrierën në Serinë A.