Mesfushori i Interit dhe i Kombëtares shqiptare, Kristjan Asllani, është kthyer në një nga emrat më të lakuar në tregun e transferimeve këtë verë. Klubi anglez Hull City ka shfaqur interes konkret për të siguruar shërbimet e 22-vjeçarit, duke kërkuar një formulë huazimi që përfshin të drejtën e blerjes në fund të sezonit.
Sipas informacioneve të përcjella nga gazetari i merkatos, Nicolò Schira, drejtuesit e Interit kanë vendosur kushte të qarta për këtë operacion. Klubi zikaltër nuk pranon formulën e propozuar nga pala angleze, pasi synon që marrëveshja të përfshijë një detyrim blerjeje. Ky kusht do të garantonte largimin përfundimtar të futbollistit, në rast se plotësohen parametrat e përcaktuar në kontratë.
Ndërkohë që situata mbetet nën vëzhgim nga disa klube të tjera evropiane, fati i këtij transferimi varet nga gatishmëria e Hull City për të përmbushur kërkesat financiare dhe strukturën e kontratës së kërkuar nga Interi. Deri më tani, palët janë ende në fazën e diskutimeve për të parë nëse mund të arrihet një akord përfundimtar.
Përditësime
Kristjan Asllani është lënë jashtë planeve teknike të Interit për fazën përgatitore, duke hapur rrugën për një largim të mundshëm. Hull City ka nisur negociatat për mesfushorin shqiptar, me synimin për një marrëveshje që përfshin opsionin e blerjes deri në fund të sezonit 2026-2027. Kontrata aktuale e lojtarit me klubin zikaltër skadon më 30 qershor 2028.
Interesimi për mesfushorin Kristjan Asllani është intensifikuar, me Sassuolon dhe Cagliarin që i janë bashkuar garës për transferimin e tij. 24-vjeçari, i cili së fundmi ishte i huazuar te Beshiktashi dhe Torino, mbetet në fokusin e Hull Cityt. Ky i fundit, pas sigurimit të promovimit në Premier League, pritet të rishikojë strategjinë e tij të merkatos për futbollistin shqiptar.