Kompania Rajonale e Ujësjellësit "Prishtina" ka njoftuar se borxhi i përgjithshëm për shërbimet e ujit ka tejkaluar 45 milionë euro.
Sipas njoftimit zyrtar, mospagesa e faturave nga një pjesë e konsumatorëve dhe kyçjet ilegale në rrjet po dëmtojnë sistemin e furnizimit dhe po krijojnë mungesë uji për qytetarët që paguajnë rregullisht.
Kompania kërkon që të gjithë konsumatorët me borxhe të shlyejnë menjëherë detyrimet e prapambetura ose të lidhin marrëveshje për pagesë me këste. Në të kundërt, do të ndërmarrë masa si ndërprerja e furnizimit me ujë, veprime ligjore ndaj shkelësve dhe identifikimi si dhe ndëshkimi i kyçjeve ilegale.
KRU "Prishtina" e cilëson situatën të papranueshme dhe apelon për përgjegjësi qytetare, duke theksuar se uji është shërbim bazë jetik që kërkon bashkëpunim nga të gjithë konsumatorët.
Përditësime
KRU "Prishtina" ka publikuar paralajmërimin e ri: „Nuk ka ujë pa paguar faturat“.