Kryeministri i Kosovës, Albin Kurti, pret sot në takim Peter Sorensen-in, përfaqësuesin e posaçëm të Bashkimit Evropian për dialogun Kosovë-Serbi. Takimi mbahet nga ora 08:30 në ndërtesën e Qeverisë në Prishtinë, sipas njoftimit të Zyrës së Kryeministrit.
Pas përfundimit të takimit do të ketë deklarim për media. Kjo vizitë e Sorensen-it vjen në kuadër të angazhimeve të Bashkimit Evropian për ndërmjetësimin në dialogun ndërmjet Kosovës dhe Serbisë, me qëllim normalizimin e marrëdhënieve mes dy vendeve.
Për Sorensen-in është vizita e dytë në Prishtinë brenda pak kohësh. Ai ka qenë në kryeqytetin e Kosovës në fund të shkurtit, pas marrjes së detyrës nga Qeveria e re, ku u takua me kryeministrin Kurti dhe ministrin e Jashtëm Glauk Konjufca.
Nuk janë bërë të njohura arsyet specifike të kësaj vizite.