Hristijan Mickoski, kryeministri i Maqedonisë së Veriut, deklaroi se qytetarët nga Shqipëria po vijnë masivisht në vend për të blerë karburant me çmime më të ulëta. Kjo ka çuar në një konsum rekord të naftës prej mbi 2 milionë litrash në ditë.
Sipas Mickoskirit, arsyeja kryesore është diferenca e çmimeve. Në Maqedoninë e Veriut, çmimi i benzinës me 95 oktanë varion midis 1.27 dhe 1.31 euro për litër, ndërsa nafta është rreth 1.3 euro për litër. Në Shqipëri dhe Greqi, çmimi i benzinës është mbi 2 euro për litër, dhe nafta në Shqipëri tejkalon 2.1 euro për litër, duke krijuar një diferencë prej 80 centësh ose 80 lekësh për litër.
Të dhënat zyrtare nga qeveria maqedonase tregojnë se konsumi ditor i naftës është rritur me mbi 40 për qind krahasuar me periudhën para krizës. Përllogaritjet e zyrës së statistikave vlerësojnë se shqiptarët dhe grekët blejnë mesatarisht 200-300 mijë litra karburant në ditë në zonat kufitare veriore, jugore dhe perëndimore.
I pyetur për mundësinë e ndërhyrjes qeveritare për të kufizuar blerjet, Mickoski u përgjigj se nuk ka nevojë. “Situata e furnizimit me naftë është mëse e qëndrueshme dhe nuk ka sinjale për mungesa të mundshme”, tha ai.
Qeveria e Maqedonisë së Veriut ka zbatuar masa agresive për të mbajtur çmimet të ulëta, çka ka rritur diferencialin me vendet fqinje në nivele rekord.
Përditësime
Konsumi ditor i karburanteve në Maqedoninë e Veriut u rrit në 2 milionë litra nga 1.5 milionë litra më parë.
10% e konsumit (200 mijë litra në ditë) vjen nga shqiptarët.
Konsumi u trefishua në pikat kufitare me Dibrën e Madhe dhe Prespën.
Çmime aktuale: naftë 1.52 euro/l në MV kundrejt 202 lekë/l në Shqipëri; benzinë 1.3-1.34 euro/l në MV kundrejt 176 lekë/l në Shqipëri.
Para krizës: naftë 1.1-1.2 euro/l në MV dhe 165-175 lekë/l në Shqipëri.
Qeveria e Maqedonisë së Veriut uli TVSH-në nga 18% në 10% më 22 mars, pas krizës në Lindjen e Mesme.