Në Shqipëri, një litër naftë në tregun e pakicës tregtohet me 214 lekë ose rreth 2.2 euro, ndërsa benzina kushton 199 lekë/litër. Ky çmim e bën Shqipërinë vendin me karburantin më të shtrenjtë në rajon, ku konsumatorët paguajnë mesatarisht 25-40% më shumë se në vendet fqinje.
Struktura e taksave në Shqipëri
Struktura e çmimit përfshin taksën e qarkullimit prej 27 lekë/litër, akcizën 39.4 lekë/litër dhe taksën e karbonit 3 lekë/litër. Mbi këto aplikohet TVSH-ja 20%, e llogaritur mbi çmimin final duke përfshirë taksat. Në total, taksat arrijnë 1.16 euro/litër ose 53% të çmimit, dyfishi i rajonit.
Krahasimi me vendet fqinje
Në Maqedoninë e Veriut, taksat janë 0.58 euro/litër (36%), me akcizë 0.42 euro/litër dhe TVSH të ulur së fundmi nga 18% në 10% si masë e përkohshme. Në Mali i Zi, akciza u përgjysmovit në 0.22 euro/litër për naftën, me TVSH 21%, duke e sjellë totalin në 0.55 euro/litër (35%). Në Kosovë, akciza është 0.37 euro/litër dhe TVSH 18%, për total 0.67 euro/litër (38.5%).
Çmimi bazë i naftës, pa taksat, është i ngjashëm në rajon, rreth 1-1.1 euro/litër. Rritja e çmimeve lidhet me zhvillimet në tregjet ndërkombëtare për shkak të krizës në Lindjen e Mesme. Ndërsa vendet fqinje kanë ulur taksat për të lehtësuar barrën, Shqipëria nuk ka marrë masa të ngjashme.
Furnizimet në zonat kufitare
Qytetarët e zonave kufitare, si në Pogradec, furnizohen me naftë në Maqedoninë e Veriut, ku çmimi është 143-160 lekë/litër ose deri 50% më i lirë. Ata vizitojnë stacionet 1-2 herë në javë për konsum vetjak. Për fluksin e lartë, pikat e karburantit kanë vendosur kufizime blerjeje deri në 10-20 euro për person. Gjithashtu, furnizime raportohen në Ulqin të Malit të Zi me 1.5 euro/litër.
Përditësime
Çmimi i naftës në Kosovë u rrit në 1,7-1,8 €/l, nga 1,6 €/l dy ditë më parë.
Dhjetëra automjete kalojnë çdo ditë kufirin në Qafë Thanë nga Pogradeci, Përrenjasi dhe zona të tjera.
Citate të reja nga shoferët:
- Përrenjasi: "160 lekë një herë në muaj."
- Pogradeci: "140 lekë më parë."
- Struga: "70-90 dinarë, me targa shqiptare."
- Shkupi: "Më i lirë dhe cilësor."
Radhë të gjata makinash formohen në Tuz të Malit të Zi, ndërsa shoferët nga zonat kufitare dhe Shkodra drejtohen drejt Podgoricës për furnizim masiv me karburant. Çmimi atje është 1.57 euro/litr. Ekspertët vlerësojnë se 1 milion euro/dit dhe 350 milionë euro/vit dalin nga Shqipëria për karburant. 15-25% e këtij karburanti konsumohet në Kosovë dhe Maqedoninë e Veriut. Rekomandimi i tyre: afro çmimet me ato të rajonit për të rikthyer konsumimin vendor.
Partia e Lirisë ka depozituar një projektligj për heqjen e taksës së qarkullimit dhe të taksës së karbonit, që ul çmimin e karburanteve deri në 60%.
Tedi Blushi paralajmëroi rrezikun e një krize ekonomike si ajo e '97-s, duke kritikuar qeverinë për heshtje dhe bashkëpunim me oligarkët.
Partia e Lirisë kërkon paketa ndihme për qytetarët për shkak të fuqisë blerëse më të ulët në rajon.
- Konfindustria paralajmëron krizë ekonomike si ajo e 1997-ës.
- Çmimet e produkteve dhe shërbimeve rriten si rrjedhojë e shtrenjtimit të naftës.
- Opozita akuzon qeverinë se mbulon krizën me propagandë dhe braktis fermerët e bizneset.