Në ambientet e Prokurorisë Themelore në Prishtinë, kryeprokurori Zejnullah Gashi ka pritur përfaqësues të KFOR-it amerikan. Midis tyre ishte Majori Hector L. Zayas, kryesues i Zyrës Ligjore në Kampin Bondstill, Kapiteni Adam M. Curfman, avokat ushtarak, si dhe Specialisti Daniel J. Allen, asistent ligjor ushtarak.
Gjatë takimit, kryeprokurori Gashi uroj mirëseardhjen mysafirëve dhe shprehu mirënjohje për bashkëpunimin e deritanishëm. Ai theksoi gatishmërinë për vazhdimin dhe thellimin e këmbimit të praktikave institucionale, si dhe prezantoi strukturën dhe aktivitetin e prokurorisë.
Përfaqësuesit e KFOR-it shprehën gatishmërinë për të thelluar bashkëpunimin reciprok dhe ofruan mbështetje për punën e prokurorisë në përgjithësi.
Takimi përfundoi me falënderimet e kryeprokurorit Gashi, i cili riafirmoi përkushtimin e Prokurorisë Themelore për të mbajtur një dialog të hapur dhe për të zgjeruar bashkëpunimin me partnerët ndërkombëtarë, sipas njoftimit të Sistemit Prokurorial.