Pesë mjete të tonazhit të rëndë janë shkrumbuar gjatë orëve të para të mëngjesit në një gurore në fshatin Shpërdhet të Kurbinit. Pavarësisht ndërhyrjes së forcave zjarrfikëse, flakët kanë shkaktuar dëme të konsiderueshme materiale.
Sipas njoftimit zyrtar, administratori i objektit, shtetasi B. A., ka njoftuar policinë rreth orës 02:30 të datës 4 korrik 2026, pasi kishte konstatuar zjarrin në guroren që ai administron dhe përdor. Nga të dhënat paraprake, dyshohet se zjarri është vënë qëllimisht nga persona ende të paidentifikuar.
Grupi hetimor, nën drejtimin e Prokurorisë, po kryen veprimet e nevojshme procedurale për të sqaruar rrethanat e ngjarjes, për të identifikuar autorët dhe për të dokumentuar rastin ligjërisht.