Kryeministri i Kosovës, Albin Kurti, dhe e Ngarkuara me Punë e Ambasadës së SHBA-së, Annu Prattipati, janë parë së bashku në një organizim me gratë ndërmarrëse. Ky takim zhvillohet në një periudhë debati mbi projektin e gazit amerikan, temë kjo që mbetet objekt diskutimi ndërmjet qeverisë dhe përfaqësuesve amerikanë.
Ditë më parë, Annu Prattipati u bëri thirrje autoriteteve kosovare që t'i bashkohen projektit të gazit, duke marrë mbështetje edhe nga zyrtarë të tjerë të Ambasadës amerikane dhe Departamentit Amerikan të Shtetit. Nga ana e tij, kryeministri Kurti ka shprehur qëndrimin se Kosova mund të përfitojë përmes lidhjes në centralin e gazit në Vlorë, nga ku mund të importohet energji elektrike, pa qenë e nevojshme ndërtimi i një rrjeti gazsjellësi brenda territorit të vendit.
Ky pozicion i qeverisë është cilësuar nga disa aktorë politikë, si ish-kryeministri Avdullah Hoti, si një qëndrim në kundërshtim me këshillat e SHBA-së, duke kërkuar një protestë demokratike në përkrahje të projektit. Debati rreth gazit nuk është i ri; një situatë e ngjashme ishte regjistruar edhe në vitin 2021, kur Qeveria Kurti kishte refuzuar një projekt të ngjashëm.