Kuvendi i Shqipërisë mblidhet sot në seancën plenare të radhës, e cila parashikohet të nisë në orën 10:00. Seanca zhvillohet në mbështetje të urdhrit nr. 30, datë 5.5.2026, të zëvendëskryetares Klodiana Spahiu.
Në fokus janë interpelancat e kërkuara nga një grup deputetësh të Grupit Parlamentar të Partisë Demokratike. Bëhet fjalë për interpelancë urgjente me kryeministrin Edi Rama, sipas nenit 80 të Kushtetutës dhe nenit 97 të Rregullores së Kuvendit, si dhe interpelancë me ministrin e Infrastrukturës dhe Energjisë, Enea Karakaçi, sipas nenit 80 të Kushtetutës dhe nenit 96 të Rregullores.
Gjithashtu, në rend të ditës është seancë pyetje-përgjigje me ministrin e Turizmit, Kulturës dhe Sportit, Blendi Gonxhja, e kërkuar nga deputetja Ina Zhupa.
Rendi i ditës
- Miratimi i procesverbalit të seancës plenare të datës 4.5.2026 (neni 44, pika 2, Rregullorja e Kuvendit).
- Njoftime (neni 44, pika 3, Rregullorja e Kuvendit).
- Interpelancë urgjente me kryeministrin Edi Rama (neni 80 i Kushtetutës dhe neni 97 i Rregullores).
- Interpelancë me ministrin Enea Karakaçi (neni 80 i Kushtetutës dhe neni 96 i Rregullores).
- Seancë pyetje-përgjigje me ministrin Blendi Gonxhja.
- Projektligji "Për ratifikimin e marrëveshjes ndryshuese nr. 2, me shkëmbim të letrash, të marrëveshjes së financimit ndërmjet Republikës së Shqipërisë, përfaqësuar nga Këshilli i Ministrave, Malit të Zi dhe Komisionit Evropian, për programin IPA të bashkëpunimit ndërkufitar Mali i Zi – Shqipëri 2021–2027" (ratifikuar me ligjin nr. 9/2024).
- Projektligji "Për disa shtesa dhe ndryshime në ligjin nr. 113/2020, 'Për shtetësinë', të ndryshuar".
- Projektligji "Për disa ndryshime dhe shtesa në ligjin nr. 8378, datë 22.7.1998, 'Kodi Rrugor i Republikës së Shqipërisë', të ndryshuar" (nenet 81, pika 2, dhe 83, pika 1, Kushtetuta; nenet 55, 73-77, Rregullorja).
Përditësime
Partia Demokratike (PD) kërkoi ndryshimin e rendit të ditës për një debat urgjent mbi raportin e Parlamentit Europian për Shqipërinë 2025, të miratuar më 5 maj.
Kuvendi nisi seancën plenare.
Rendit të ditës iu shtua akti normativ për uljen e akcizës në naftë.
Projektligje të reja:
- Ndryshime në ligjin "Për inspektimin në Republikën e Shqipërisë".
- Projektligji për identifikimin elektronik, shërbimet e besuara dhe portofolin e identitetit digjital.
- Dy nisma për ndryshime në ligjin "Për taksat kombëtare".
- Projektligji për mekanizmin e reagimit ndaj krizave të furnizimit dhe çmimeve të lëndës djegëse.
Kuvendi shënoi një minutë heshtje në nderim të Servet Pëllumbi.
Interpelanca ndaj Kryeministrit Edi Rama iu delegua deputetes Erjona Ismaili.
• Akti normativ për akcizën u miratua me 85 pro, 25 kundër.
• Projektligji IPA u miratua me 108 pro, 0 kundër, 1 abstenim.
Kuvendi miratoi 4 projektligje, 1 akt normativ dhe 6 projektvendime pas mesnate. Kryeministri Edi Rama mbërriti në sallë vetëm pas mesnate, pavarësisht kërkesave të opozitës. Seanca u zhvillua gjatë gjithë natës. U rrëzuan propozimet e PD-së. Petrit Malaj prezantoi aktin normativ, ndërsa Erjona Ismaili trajtoi IPA-n.