Ermina Lekaj, politikane nga Kosova dhe ish-deputete e Kuvendit të Kroacisë, ka bërë të ditur se ndryshimet në Ligjin për të Huajt në Kroaci për periudhën 2025–2026 pritet të përmirësojnë kushtet e punës dhe qëndrimit për punëtorët nga vendet e Ballkanit Perëndimor, përfshirë Kosovën, Shqipërinë dhe Maqedoninë e Veriut.
Ndryshimet synojnë lehtësimin e procedurave administrative, rritjen e sigurisë ligjore për punëtorët e huaj dhe forcimin e kontrollit ndaj punëdhënësve.
Leje më afatgjata pune dhe qëndrimi
Leja e punës dhe qëndrimit mund të lëshohet deri në tre vjet, në vend të një viti, kur kontrata e punës është afatgjatë.
Mundësi për ndërrim punëdhënësi
Punëtorët e huaj, pas një periudhe pune në Kroaci, mund të ndërrojnë punëdhënësin pa u detyruar të largohen nga vendi, për sa kohë vazhdojnë të punojnë në të njëjtin profesion.
Lehtësime për profesionet deficitare
Për sektorë me mungesë fuqie punëtore, si:
- turizmi,
- ndërtimtaria,
- bujqësia,
- shërbimet e pastrimit,
nuk kërkohet përvojë pune apo kualifikim formal.
Barazi në paga dhe kushte pune
Punëtorët e huaj gëzojnë të njëjtën pagë si punëtorët kroatë për punën e njëjtë. Nëse punëdhënësi ofron strehim, ai plotëson standardet e përcaktuara dhe kontrollohet nga autoritetet.
Afat për gjetjen e punës së re
Në rast ndërprerjeje të kontratës, punëtorët e huaj kanë një periudhë tranzitore për të gjetur punë të re, pa u detyruar të largohen menjëherë nga Kroacia. Kjo parashihet të zbatohet më qartë nga viti 2026.
Zgjerimi i EU Blue Card
Ndryshimet përfshijnë zgjerimin e skemës EU Blue Card për punëtorët e kualifikuar.