Ejup Maqedonci, ministër i Mbrojtjes së Kosovës, zhvilloi një takim me Blanca Herezën, ushtruese e detyrës së shefes së operacioneve aktuale në Divizionin për Operacione të Shtabit të Përgjithshëm të NATO-s.
Gjatë takimit, Maqedonci e njohu Herezën me zhvillimet aktuale në Ministrinë e Mbrojtjes dhe Forcën e Sigurisë së Kosovës (FSK), si dhe me planet për të ardhmen. Ai nënvizoi përkushtimin për koordinim dhe bashkëpunim të ngushtë me KFOR dhe Ekipin Këshillues dhe Ndërlidhës të NATO-s (NALT).
Në një postim në Facebook, Maqedonci shkroi se objektivi i Kosovës është anëtarësimi në NATO. Kjo do të mundësojë që vendi dhe FSK të vazhdojnë të japin kontribut edhe më fuqishëm në ruajtjen e paqes dhe stabilitetit, për të cilin po angazhohen çdo ditë.