Sulmuesi italian Mario Balotelli ka konfirmuar transferimin e tij te skuadra Al Ittifaq në Emiratet e Bashkuara Arabe më 11 janar 2026. 35-vjeçari mbërriti në Dubai të shtunën dhe e konfirmoi lëvizjen në Instagram me fjalët "Jam këtu", duke përdorur një video të gjeneruar nga AI.
Balotelli u largua nga Genoa verën e kaluar, ku zhvilloi vetëm 6 ndeshje pa shënuar gola. Pas gjashtë muajsh pa kontratë, ai është fotografuar në aeroportin e Emirateve, ku tifozët e pritën dhe e filmuan duke pozuar për foto. Një fotografi e tij me fanellën e klubit të ri ka qarkulluar në media.
Ky transferim shënon herën e parë që Balotelli largohet nga Europa. Në karrierën e tij ka luajtur për klube si Inter, Manchester City, Milan, Liverpool, Nice, Marseille, Brescia, Monza, Adana Demirspor, Sion dhe Genoa. Ai ka zhvilluar 501 ndeshje në nivel klubesh, duke realizuar 201 gola dhe 42 asistime. Me kombëtaren italiane ka 36 ndeshje dhe 14 gola.
Al Ittifaq garon në kategorinë e dytë të futbollit në Emiratet e Bashkuara Arabe. Balotelli nënshkroi një kontratë dyvjeçare me këtë skuadër.