Marta Kos, komisionerja për Zgjerim e Bashkimit Evropian, deklaroi se Mali i Zi mbetet kandidati më i përparuar në rrugën drejt anëtarësimit në BE.
Në një postim në platformën X, ajo njoftoi mbylljen e një kapitulli tjetër negociatash, duke e çuar numrin total të kapitujve të përfunduar në 14.
Kos theksoi se përparimi i arritur nuk duhet të çojë në vetëkënaqësi. “Mali i Zi është vendi kandidat më i përparuar në rrugën drejt BE-së. Sot mbyllëm një tjetër kapitull negociatash, duke e çuar totalin në 14. Por ende ka shumë punë për të bërë. Tani është momenti për të mbajtur ritmin e reformave, me një fokus të fortë në sundimin e ligjit”, shkroi ajo.