Sot mbahet protesta e 12-të me radhë, ku qytetarët kërkojnë dorëheqjen e kryeministrit Edi Rama dhe të kabinetit të tij qeveritar. Tubimi, që zhvillohet nën moton "Shqipëria nuk shitet", ka nisur në orën 18:00 para godinës së Kryeministrisë.
Një ndër kërkesat kryesore të protestuesve, përveç dorëheqjes së qeverisë, është ndalimi i ndërtimeve në zonën e Zvërnecit. Lëvizja protestuese ka shënuar një shtrirje të gjerë gjeografike, duke u organizuar edhe në qytete të tjera të vendit, si dhe në komunitete të shqiptarëve në Diasporë.
Sakaq, dita e djeshme shënoi një pjesëmarrje masive të qytetarëve në bulevard, duke u vlerësuar si një nga tubimet më të mëdha të mbajtura deri më tani, me marshime që vijuan deri në orët e vona të natës.
Përditësime
Protestat kundër qeverisë së kryeministrit Edi Rama vijojnë sot për të 13-ën ditë radhazi, duke tejkaluar parashikimet e mëparshme për mbylljen e tyre.