Tifozët e Kombëtares shqiptare kanë shfaqur interes të lartë për ndeshjen ndaj Polonisë në Varshavë, e vlefshme për gjysmëfinalen play-off të Botërorit 2026. Brenda 24-48 orëve nga hapja e aplikimeve, u regjistruan rreth 10 mijë kërkesa për bileta në National Stadium Warsaw për sfidën e 26 marsit.
Sipas Federatës Shqiptare e Futbollit (FSHF), rreth 5 mijë aplikantë kërkuan nga dy bileta, duke e bërë procesin konkurrues. Fituesit përcaktohen përmes shorti rastësor.
Numri i tifozëve shqiptarë në stadium kufizohet nga rregullorja e UEFA-s, që rezervon vetëm 5% të kapacitetit për mysafirët. Në një impiant me 58 mijë ulëse, kjo përkthehet në rreth 3 mijë deri 3.500 mbështetës kuqezinj.
FSHF ka kërkuar më shumë bileta në bashkëpunim me homologët polakë, por kufizimi mbetet në fuqi.
Në rast fitoreje ndaj Polonisë, Shqipëria do të luajë në finalen play-off me fituesin e çiftit Ukrainë-Suedi për një vend në fazën e grupeve të Botërorit 2026, që zhvillohet nga 11 qershori deri më 19 korrik në SHBA, Meksikë dhe Kanada.