Ambasada e Republikës së Kosovës në Maqedoninë e Veriut ka njoftuar mbylljen e Konsullatës së Përgjithshme në qytetin e Strugës. Ky vendim është marrë në zbatim të Dekretit Nr. 150/2025 të Presidentes së Republikës së Kosovës dhe Vendimit Nr. Ref 261/2026 të Ministrisë së Punëve të Jashtme dhe Diasporës.
Sipas njoftimit zyrtar, mbyllja vjen pas një vlerësimi të dinamikës së misionit konsullor dhe është ndërmarrë në funksion të optimizimit të resurseve diplomatike, në përputhje me qëllimet dhe nevojat e gjithëmbarshme institucionale. Pavarësisht ndryshimit të strukturës, prezenca e Kosovës në Strugë do të vijojë përmes zyrës së Konsullit të Nderit, i cili mbetet i ngarkuar me rrethin konsullor të këtij qyteti.
Ndërkaq, të gjitha shërbimet konsullore për shtetasit kosovarë që gjenden në territorin e Maqedonisë së Veriut do të përqendrohen dhe do të ofrohen nga Ambasada e Republikës së Kosovës me seli në Shkup, e cila krahas detyrave diplomatike, do të mbulojë të gjithë territorin e vendit fqinj. Mbyllja është bërë me kërkesë të Presidencës së Kosovës, si pjesë e riorganizimit të përfaqësive diplomatike për një efikasitet më të lartë në shërbim të diasporës dhe qytetarëve.
Përditësime
Kryeministri i Kosovës, Albin Kurti, i dorëzoi zyrtarisht çelësat e konsullatës kryeministrit të Maqedonisë së Veriut, Hristijan Mickoski. Vendimi për mbylljen e kësaj përfaqësie është formalizuar përmes një dekreti të nënshkruar nga presidentja në detyrë, Albulena Haxhiu.