Mbrëmjen e 25 qershorit, mijëra qytetarë u mblodhën në Tiranë në protestën e 26-të radhazi kundër qeverisë. Pas fjalimeve të mbajtura përpara godinës së Kryeministrisë, pjesëmarrësit zhvilluan një marshim nëpër rrugët kryesore të kryeqytetit.
Gjatë itinerarit, protestuesit u ndalën pranë godinës së Parlamentit, ku hodhën thirrje si “Parlamenti i krimit!” dhe “Parlament analfabet!”. Më pas, turma u drejtua nga rruga e Elbasanit drejt stadiumit “Air Albania”. Gjatë këtij marshimi, protestuesit kërkuan dorëheqjen e kryeministrit Edi Rama dhe llogaridhënie politike, me thirrje të tilla si “Ju erdhi fundi!” dhe “Rama në burg, Berisha në burg”.
Në përfundim të marshimit, turma u kthye sërish para Kryeministrisë. Pjesëmarrësit përsëritën thirrjen “Rama, Rama, f*ck you!”, duke iu referuar një deklarate të mëparshme të kryeministrit Edi Rama në një intervistë për “Financial Times”. Kërkesa kryesore e tubimit mbetet dorëheqja e kryeministrit dhe e kabinetit qeveritar.