Ministria për Europën dhe Punët e Jashtme (MEPJ) ka njoftuar se ndjek me vëmendje situatën në Lindjen e Mesme dhe prej mëngjesit të sotëm është në kontakt me autoritetet e vendeve të rajonit përmes përfaqësive diplomatike shqiptare.
MEPJ u kërkon të gjithë shtetasve shqiptarë në Emiratet e Bashkuara Arabe të jenë të kujdesshëm, të shmangin daljet e panevojshme dhe të ndjekin udhëzimet e sigurisë nga autoritetet lokale.
Hapësira ajrore e Emirateve të Bashkuara Arabe, si dhe ajo e të gjitha vendeve të Gjirit, është e mbyllur përkohësisht si masë për interceptimin e sulmeve.
Ambasada e Republikës së Shqipërisë në Abu Dhabi është në dispozicion të qytetarëve shqiptarë rezidentë në Emiratet e Bashkuara Arabe për çdo informacion, nevojë apo emergjencë, përmes kontaktit të emergjencës +971 50 980 7881.
Përditësime
Iran ka kryer sulme në Dubai si kundërpërgjigje ndaj sulmeve të SHBA-së dhe Izraelit në Iran, sipas Shqiptarja.com dhe Ora News (Shqiptarja.com).