Kryeministri i Maqedonisë së Veriut Hristijan Mickoski zhvilloi një takim pune me bashkëkryetarët e koalicionit VLEN, Izet Mexhiti dhe Bilall Kasami.
Në qendër të bisedimeve ishte çështja e përdorimit të gjuhës shqipe gjatë provimit të jurisprudencës, pas kërkesave të studentëve shqiptarë. Sipas njoftimit të qeverisë, palët theksuan nevojën e një qasjeje të përbashkët për të arritur zgjidhje që forcojnë besimin e ndërsjellë dhe kontribuojnë në përparimin institucional.
Bashkëbiseduesit ranë dakord se arsimi dhe dija përbëjnë themelin e një shteti modern dhe funksional. Institucionet po punojnë për gjetjen e një zgjidhjeje plotësisht në përputhje me Kushtetutën dhe Ligjin për Përdorimin e Gjuhëve, me qëllim garantimin e sigurisë juridike dhe funksionalitetit institucional.
Përditësime
Kryeministri Hristijan Mickoski u takua me Arben Mexhiti dhe Bilall Kasami pak para protestës së planifikuar të studentëve. Mexhiti postoi në Facebook se provimi i jurisprudencës do të ofrohet edhe në gjuhën shqipe, me lajme të mira që priten së shpejti.