Ministri i Mbrojtjes Ermal Nufi priti në Tiranë gjeneralin e brigadës Chris McKinney nga Komanda Europiane e Shteteve të Bashkuara. Takimi u zhvillua më 10 prill 2026, në prani të gjenerallejtnantit Arben Kingji, shef i Shtabit të Përgjithshëm, dhe drejtuesve të lartë të Forcave të Armatosura të Shqipërisë.
Palët diskutuan çështje të sigurisë rajonale dhe rritjen e shpenzimeve në mbrojtje. Theksuan rëndësinë strategjike të lëvizshmërisë ushtarake përmes Korridorit VIII Paneuropian. Në fokus ishte progresi i Shqipërisë në forcimin e kapaciteteve të mbrojtjes kibernetike, si pjesë e përpjekjeve për rritjen e qëndrueshmërisë ndaj kërcënimeve moderne.
Ambasada Amerikane në Tiranë konfirmoi takimin dhe diskutimet, duke vlerësuar progresin mbresëlënës të Shqipërisë në aftësitë e mbrojtjes kibernetike. Takimi rikonfirmoi angazhimin e përbashkët për thellimin e bashkëpunimit mes Shqipërisë dhe Shteteve të Bashkuara, si dhe rritjen e gatishmërisë për sfidat e sigurisë në rajon.