Asambleja e Ekspertëve e Iranit ka zgjedhur Mojtaba Khamenei si Udhëheqës Suprem të ri të vendit. Vendimi u mor në një takim online nga 88 anëtarë të kësaj assembleje, organi kushtetues përgjegjës për zgjedhjen e udhëheqësit suprem.
Sipas raportimeve të mediave vendase si Fars, zgjedhja u bë nën presionin ose rekomandimin e Gardës Revolucionare Islamike. Disa burime përmendin një trashëgimi familjare të pushtetit, me lidhje të ngushta të Mojtaba Khamenei-t me këtë gardë dhe milicinë Basij.
Mojtaba Khamenei, i lindur në 1969 në Mashhad, ka marrë edukim fetar në Qom. Ai ka shërbyer në Gardën Revolucionare, duke u përfshirë në çështje sigurie dhe politike të brendshme për dekada.
Zgjedhja vjen pas vrasjes së babait të tij, Ali Khamenei, në sulme të përbashkëta ajrore të SHBA-së dhe Izraelit më 28 shkurt 2026, me synim ndalimin e programit bërthamor iranian. Selia e Asamblesë së Ekspertëve u godit në sulme, por pa shkaktuar viktima.
Në kundërpërgjigje, Irani goditi objektiva në vendet aleate të SHBA-së në rajon. Asambleja pritet të shpallë zyrtarisht Mojtaba Khamenei-n në orët në vijim, ndërsa përgatiten ritualet e varrimit të Ali Khamenei-t.
Ky zhvillim ndodh në një kontekst tensionesh të larta rajonale.
Përditësime
Sulmet ajrore vazhdojnë, duke penguar sesionin fizik të Asamblesë së Ekspertëve.
• Komanda e Gardës Revolucionare synon përfundimin e procesit të zgjedhjes brenda disa orësh, sipas burimeve anonime për Iran International.