Java e ardhshme në Kosovë do të karakterizohet nga mot i ndryshueshëm, me intervale me diell dhe zhvillim të vranësirave konvektive. Sipas njoftimit të Institutit Hidrometeorologjik të Kosovës (IHMK), temperaturat do të mbeten mbi mesataren klimatologjike, ndërsa lagështia në tokë do të jetë e favorshme për kulturat bujqësore.
Parashikimi për ditët në vijim:
• E hëna: Mot me diell dhe vranësira të shpërndara. Gjatë ditës, vranësirat do të zhvillohen duke sjellë reshje shiu, shkarkesa elektrike dhe në disa zona kushte për breshër. Temperaturat minimale do të lëvizin nga 9°C deri në 12°C, kurse maksimalet nga 26°C deri në 29°C.
• E marta: Mot me diell dhe vranësira të dendura. Shtohen kushtet për reshje shiu me rrufe dhe breshër në zona të kufizuara. Temperaturat minimale: 10-13°C, maksimalet: 22-26°C.
• E mërkura: Mot me diell dhe vranësira të shpërndara, me mundësi për riga shiu në vende të caktuara. Temperaturat minimale: 10-13°C, maksimalet: 24-27°C.
• E enjtja: Parashikohet mot me diell dhe vranësira të dendura, të cilat gjatë ditës mund të sjellin reshje të izoluara shiu. Temperaturat minimale do të lëvizin ndërmjet 11°C dhe 14°C.
Instituti thekson se cilësia e ajrit do të mbetet kryesisht e mirë. Megjithatë, për shkak se indeksi UV do të arrijë vlera të larta gjatë orëve të mesditës, rekomandohet kujdes i shtuar gjatë ekspozimit të drejtpërdrejtë në diell.
Përditësime
Pas paqëndrueshmërisë atmosferike të ditëve të fundit, Instituti Hidrometeorologjik i Kosovës njofton përmirësim të motit. Të enjten, temperaturat maksimale pritet të arrijnë deri në 25°C, ndërsa të premten moti do të jetë me diell dhe vranësira të herëpashershme, pa reshje. Temperaturat për ditën e premte do të luhaten ndërmjet 10°C dhe 26°C, me erë nga veriperëndimi me shpejtësi 1-11 m/s.