Në pikën e kalimit kufitar Qafë Thanës, më 21 janar 2026, është ndaluar qarkullimi i kamionëve në drejtim të Maqedonisë së Veriut për shkak të reshjeve të dëborës dhe punimeve me borëpastruese në segmentin hyrës.
Ndërhyrja e borëpastrueseve do të zgjasë vetëm disa orë. Deri në përfundimin e tyre, mjetet e tonazhit të rëndë nuk lejohen të kalojnë. Pas pastrimit të rrugës, qarkullimi i kamionëve pritet të rinisë normalisht.
Automjetet e tjera mund të lëvizin, por autoritetet i këshillojnë të qarkullojnë me kujdes në kushtet e rrëshqitshme nga dëbora.